انا الحمد لله ملحقتش كلية هندسه علي نص درجه الجمد لله فدلوقتي ياريت تدلوني لاني بثق فيكم و انتوا اخواتي الكبار :
اخش حاسبات و معلومات ولا اخش فنون جميله عماره ولا تجاره
:crying2::crying2::crying2::crying2:
عرض للطباعة
انا الحمد لله ملحقتش كلية هندسه علي نص درجه الجمد لله فدلوقتي ياريت تدلوني لاني بثق فيكم و انتوا اخواتي الكبار :
اخش حاسبات و معلومات ولا اخش فنون جميله عماره ولا تجاره
:crying2::crying2::crying2::crying2:
رأيي الشخصي : حاسبات و معلومات
القرار في الأول و الأخير ليك ....... متنساش تصلي صلاة إستخارة..... بالتوفيق
تحياتي :)
حاسبات و معلومات لو مش حاببها ما تدخلهاش لان لو مش بتحبها مش هتنفع في شغلها اساسا
لو امامك فرصه كويسه لشغل هندسي
يعني حد يفتح لك طريق لشغل سواء تعيين في شركه او فتح مكتب هندسي خاص
ادخل فنون جميله عماره
انا معرفش ايه هيه حاسبات اصلا بس انا بحب الكمبيوتر و التكنولوجيا و التقنيه و كده
و انا بشكر كل اللي رد و نصحني
هي حاسبات ومعلومات دي لسه مجهوله اوي كدا ؟! دي بقالها 17 سنه ف مصر !!
رأيى الشخصي.. حاسبات ومعلومات
ما تدخل هنسة خاصة ؟
حاسبات ومعلومات ليا أصحابى كتير متخرجين منها وبسم الله ماشاء الله معظمهم فى الخليج دلوقتى... واللى فى مصر شغال فى القرية الذكية أو شركات الانترنت زى tedata أو البنوك الكبرى.. والكلية دى تدرس فيها كل شئ عن السوفت وير للحاسب الالى... وتتبع لنقابة العلميين على حد علمى ودى بتتخرج منها حسب تخصصك جواها ما بين اخصائى برمجة الى اخصائى شبكات وتخصصات تانية معرفهاش
انا خريج مدني عين شمس
خش فنون جميله عماره و انت مطمن
مهندس معماري اللي دماغه نضيفه و فنان بيعدي
مرتبات اعلى من اي مهندس و دلع لانك انت اللي بتاكل دماغ الزبون بفنك .... لو اشتغل خاص فيها فلوس حلوه اوي ....لو رحت للديكورات و كده فلووس بالهبل
حاسبات و معلومات حلوه بس في ناس كتير فيها طافحين الكوته و شغل اي كلام بس اللي متظبط متظبط بصراحه
و فكك نهائي من هندسه خاصة الا الالمانيه او الامريكيه لو فلوسك تسمح
بص حاسبات او فنون
شوف انت بتحب ايه و هتبدع فى ايه و اختاره
و الاول و الاخر اللى يجتهد فى حاجه و يتقن فيها ..... هيبدع :)
انت اللى تختار مش الناس !!
لو بتحب الهندسة أصلا وعايز تبقى مهندس يبقى تدخل هندسة خاصة - لو الامكانيات تسمح -
لو ليك كيف لموضوع الفنون الجمية - لأن ده برضه لازم تكون حابب المجال ده - يبقى توكل على الله
تجارة كلية محترمة جدا -على عكس بعض بسطاء التفكير مهم مفكرين - ومفيش مكان من اول محل سوبر ماركت لما لشركة عملاقة زى جوجل الا ما يكون فيها محاسبين..
لو باصص على حاجة تجيبلك عائد مادى كويس ان شاء الله - وكله بتوفيق الله أولا وأخيرا لأن دى أرزاق - يبقى تدخل تجارة انجليزى وتذاكر بعدها على طول منهج CMA أو CPA ساعتها هتقدر تشتغل فى شركات multi-national وبمرتبات كويسة. طبعا ده بناء على انى خريج تجارة ففاهم اكثر بتكلم على ايه كويس
بالتوفيق ان شاء الله.
شوف انت بتحب ايه ..... حاسبات ومعلومات كويسة جدا لو انت بتحب الكمبيوتر والبرمجة وكده ......... لو مش في دماغك ادخل هندسة خاصة الدراسة فيها محترمة جدا عندك العاشر والشروق .......... ولو من ناحية المصاريف اسال على الخصم بتاع التقدير لسة موجود ولا لأ ........ على أيامي الخصم ده كان موجود والحمد لله كنت بجيب تقدير وساعات كان بيتخصم لي نصف المصاريف وساعات ربع المصاريف على حسب التقدير والدكاتره من عين شمس والقاهرة وفنية عسكرية والدراسة محترمة جدا وبعد ما تتخرج بيبقى ليك مكانك في السوق انا الحمد لله شغال في السعودية دلوقتي وشغال في مجال تخصصي (( الكترونيات )) في التصميم (( embedded systems )) والحمد لله الدنيا كويسة لو كده اتوكل على الله وفكك من اي كلام تاني
انا كل يوم حيرتي بتزيد و مش عارف اخد قرار خالص و خايف اخش حاجه و اندم عليها بعد كده يا ريت تساعدوني باي معلومه او اقتراح.
كرأي فقط حاسبات ..